Латвия бош вазири Лаймдота Страуюма 7 декабрь, душанба куни мамлакат президенти Раймондс Веёнис билан учрашувидан сўнг ҳукумат истеъфога чиққанини эълон қилди. Давлат раҳбари янги ҳукумат шаклланганидан сўнг Латвия сеймидаги (парламент) ишига қайтишини маълум қилган бош вазирга икки йил давомидаги фаолияти учун миннатдорчилик билдирди, дея хабар беради «ТАСС».
30 ноябрда қабул қилинган 2016 йил учун мўлжалланган давлат бюджети, шунингдек, келгуси йил бошидан давлат ва муниципиал идоралар мансабдор шахслари, жумладан, бош вазир ҳамда вазирлар маоши 600-700 еврога (ўртача 20-30%) оширилиши тўғрисидаги қарор кескин танқидга учрагач, бош вазир истеъфоси ҳақидаги овозалар кўпайди. Сўнгги сўровларга кўра, Страуюмани бош вазир лавозимида аҳолининг атиги 3 фоизи кўришни истаган.
Латвия сейми йил охирига қадар мамлакатнинг янги ҳукуматини тасдиқлаши кутилмоқда.
Изоҳ (0)