Instagram ижтимоий тармоғи ўтаётган йил якунларини эълон қилди. Мазкур ҳисоботда энг оммалашган фотосуратлар, шаҳарлар, диққатга сазовор масканлар, хештег ва эмодзилар келтирилган, дея хабар беради «Газета.ru».
Instagram’ да энг кўп «лайк» йиққан фотосурат Ким Кардашяннинг синглиси Кендалл Женнер тасвири бўлди. Фото 3,2 миллиондан зиёд «лайк» тўплаган. Тейлор Свифт аккаунтидан ўрин олган икки сурат ҳам юқори бешликка кирди.
Энг машҳур шаҳар сифатида Нью-Йорк эътироф этилди, кейинги ўринларда Париж, Лондон ва Москва қайд этилди. Диққатга сазовор жойлар рўйхатида Эйфель минораси, Лувр ва Қизил майдон пешқадамлик қилмоқда. Дунё бўйича йилнинг энг оммалашган хештеги #love, эмодзи эса юрак рамзи бўлди.
Сентябрь ойида Instagram фойдаланувчилари сони 400 миллиондан ошди, октябрда эса ижтимоий тармоқ беш йиллигини нишонлади.
Изоҳ (0)