Папараццилар 25 ноябрь, чоршанба куни канадалик хонанда Жастин Биберни Лос-Анжелесдаги меҳмонхона олдида жамоаси аъзолари билан вақтичоғлик қилаётган, кейин эса самокатда учиб юрганида суратга туширди. Ваҳоланки, шу куни у «Стивен Кольбер билан кечки шоу» кўрсатуви ва Шукроналик кунига бағишланган парадда иштирок этиши лозим эди, дея хабар беради New York Daily News.
Бундан бир кун аввал — 24 ноябрда Бибер шахсий сабабларга кўра мазкур тадбирларда қатнашишдан бош тортди. У Twitter орқали ташкилотчилар ва Стивен Кольбернинг ўзидан узр сўради. «Тушунганингиз учун миннатдорман. Яқин орада албатта кўришамиз, деган умиддаман», — дея маълум қилган қўшиқчи.
Эслатиб ўтамиз, олдинроқ Жастин Бибер Billboard журнали рейтингидаги қўшиқлари сони бўйича The Beatles рекордини янгилагани ҳақида хабар бергандик.
Изоҳ (0)