Яккабоғлик ака-сингил мусиқачилар — Аҳрорбек ва Моҳидил Низомовлар Италияда бўлиб ўтган «Салом, Италия!» халқаро кўрик-танловида муваффақиятли қатнашди, дея хабар бермоқда «Қашқадарё» газетаси.
Танловда фортепяно йўналишида қатнашган Моҳидил Низомова Шопеннинг «Вальс» асарини ижро этиб, II даражали лауреатлик дипломига сазовор бўлди
«Акам билан биргаликдаги дуэт ижро — Европа ва Осиё бастакорлари яратган асарлардан парчалар ҳам барчага манзур бўлди ва биз III даражали диплом билан тақдирландик», — дейди Моҳидил.
Қайд этишларича, ака-сингил Низомовлар 28-октябр — 4 ноябрь кунлари бўлиб ўтган танловнинг фолклор рақслари йўналишида ҳам ўз имкониятларини намойиш этган.
Изоҳ (0)