«Реал Мадрид» жамоаси етакчиси Криштиану Роналду «Олтин тўп-2015» мукофотига лойиқ футболчиларни айтиб ўтди. Португалиялик футболчи, шунингдек, яна бир бор «Олтин тўп»га эгалик қилмоқчи эканини ҳам яширмади, деб хабар қилади «Sports.uz».
«Европада бир нечта кучли ҳужумчилар бор. Англияда Руни ва Агуэро, Германияда Левандовски, Испания чемпионатида эса Неймар ва Бензема ҳам ёрқин ўйинлари билан ажралиб туради. ‘Олтин тўп’га даъвогарлар кўп, аммо, мен яна бир бор унга эгалик қилмоқчиман», — деди Роналду.
Аввалроқ Роналду «Олтин тўп-2015» учун курашда «Барселона» ҳужумчиси Лионель Месси фаворит эканини айтиб ўтганди.
Эслатиб ўтамиз, Роналду «Олтин тўп»нинг сўнгги соҳиби ҳисобланади.
Изоҳ (0)