Покистондаги фабрика биноси қулаши қурбонлари сони 40 кишидан ошди

Покистоннинг Лаҳор шаҳридаги полиэтилен пакетлар ишлаб чиқарувчи Rajput Plastic Industry фабрикаси биноси қулаши оқибатида ҳалок бўлганлар сони 44 кишига етди. Бу ҳақда «Интерфакс» хабар бермоқда.

Маҳаллий расмийларнинг айтишича, вайроналар 40 фоизга тозаланган, бироқ орадан шунча вақт ўтгач (фожиа 4 ноябрь куни содир бўлган) кимнидир тирик ҳолда топиш эҳтимоли жуда кам. Куни кеча қутқарувчилар бино вайроналари остида 50 соат қолиб кетган ўғил болани чиқариб олди.

Эслатиб ўтамиз, олдинроқ қурбонлар сони 20 кишидан ошгани маълум қилинганди. Корхона биноси қулаган пайт унда камида 150 нафар ишчи бўлган.