Террорчиларнинг Россияга тегишли A321 самолёти Мисрда ҳалокатга учраши ҳақидаги суҳбатларининг камида бир қисми Исроил разведкаси ёрдамида тингланган. Бу ҳақда америкалик разведка амалдори ва дипломатик манбасига таяниб, CNN хабар бермоқда, деб ёзади «РБК».
Маълум бўлишича, террорчиларнинг ўзаро хабарлари Синай ярим оролида ишлайдиган Исроил разведкаси томонидан қўлга киритилган ҳамда АҚШ ва Буюк Британия томонидан олинган ахборот билан бирга топширилган. Исроил маъмурлари бу маълумотни изоҳлаб ўтирмади.
Эслатиб ўтамиз, аввалроқ АҚШ Федерал қидирув бюроси (ФҚБ) A321 самолётининг Мисрдаги ҳалокати сабабларини текширишда Россияга ёрдам беришга рози бўлгани хабар берилди.
31 октябрь, шанба куни Мисрда Metrojet («Когалимавиа») авиакомпаниясининг Шарм-аш-Шайхдан Санкт-Петербургга учаётган Airbus A321 лайнери ҳалокатга учради. Самолёт бортида бўлган 224 кишининг барчаси ҳалок бўлди.
Изоҳ (0)