Ив Росси ва Винс Реффет Дубайда Airbus A380 самолёти ёнидан реактив қанот ёрдамида учиб ўтди. Парвоз видеоси 4 ноябрь, чоршанба куни YouTube сайтига жойлаштирилди ва ҳозирнинг ўзида 11 мингдан зиёд кўрилди. Бу ҳақда «РБК» хабар бермоқда.
Jet Man лойиҳаси сайтида маълум қилинишича, парвоз 1,2 километр баландликда бўлиб ўтган. Операторлар уни 1,7 километр баландликдаги вертолётдан туриб тасвирга олинган.
Швейцариялик 56 ёшли ихтирочи Ив Росси биринчи бўлиб шахсий фойдаланиш учун реактив қанот ўйлаб топган. У 2008 йилда Ла-Манш устидан, 2011 йили Альп, 2013 йилда эса Фудзияма тоғлари атрофидан учиб ўтган. Май ойида ҳам Росси ва Реффет реактив қанот ёрдамида Дубай осмонига парвоз қилганди.
https://youtu.be/_VPvKl6ezyc
Изоҳ (0)