Қримда ҳалокатга учраган хусусий самолёт парвози минтақанинг махсус хизматлари билан келишилмаган. Бу ҳақда Қрим прокурори Наталья Поклонская маълум қилди, дея хабар беради «Газета.ru».
«Биздаги дастлабки маълумотларга кўра, парвозга рухсат олинмаган. Ҳозир бу маълумотлар текширилмоқда. Одатда бундай самолётлар сайёҳларга чиройли манзараларни кўрсатиш учун Коктебель ҳудудига учади», — дея таъкидлаган Қрим прокурори.
Эслатиб ўтамиз, 4 ноябрь, чоршанба куни Коктебель яқинидаги Клементев тоғи атрофида 4 ўринли Cessna самолёти ҳалокатга учраган. Унинг бортида бўлган тўрт киши — учувчи ва уч нафар сайёҳнинг жасади топилган.
Изоҳ (0)