Москва полицияси актёр Евгений Леонов шарафига шаҳарнинг Мосфильм кўчасига ўрнатилган ҳайкални ўғирлашда гумон қилиб, беш кишини ҳибсга олди. Meduza хабарига кўра, мазкур ҳолат юзасидан «ўғрилик» моддаси бўйича жиноят иши қўзғатилган.
Ҳайкалнинг қаердалиги ҳали аниқланмаган. Ҳуқуқни муҳофаза қилиш органлари ходимларининг тахминига кўра, ҳуқуқбузарлар — Ўрта Осиёдан келган муҳожирлар ҳайкални рангли металларни қабул қилиш шохобчасига топширган.
Гумонланувчилар қандай қилиб ҳибсга олингани маълум қилинмаяпти.
Евгений Леоновнинг «Омадли жентльменлар» фильмидаги Доцент образида ишланган ҳайкали ўғирлангани 16 октябрь куни маълум бўлганди. Полиция етказилган зарар миқдорини 160 минг рублга баҳолаган.
Изоҳ (0)