Россиянинг энг машҳур ва ёрқин копирайтерларидан бири, «Денис Каплунов студияси» копирайтинг агентлигининг асосчиси, «Копирайтинг: А дан Ю гача» блогининг муаллифи ва ёзувчиси — Денис Каплунов тўғрисида ёзиш катта ютуқ. Зеро, у ҳақида ўзидан бошқа ҳеч ким яхшироқ ҳикоя қила олмайди. Биз эса бунга халақит бермаслигимиз керак, холос. Демак, танишинг!
Менинг исмим Денис Каплунов.
Мен:
- турли хил воқеаларга (АҚШда ҳокимият тепасига президент Рейганнинг келиши, СССР термаси хоккей бўйича жаҳон Чемпионатида ғолиб бўлиши, сара рок гуруҳи Metallica дунёга келиши) бой — 1981 йилда;
- ҳиссиётлар кучайган, юрак эса янги туйғулар оғушида тезлашиб уришни бошлаган пайт, энг романтик ой – майда;
- сайёранинг энг бахтли – 13 санасида (Харви Кейтель, Рожер Желязни, Жо Луис, Стиви Уандер ва менинг қора танли адашим Деннис Родман каби йигитлар билан бир кунда);
- Александр Серов, ака-ука Меладзе, Ким Брейтбург, Николай Трубач ва Игорь Лифанов каби ёрқин шахсларга ҳаётга йўлланма берган дунёнинг энг ажойиб шаҳри – Николаевда таваллуд топганман.
Орқамдан университет эшиги ёпилгач, мен етакчи тижорат банкининг эшигини тақиллатишга киришдим. Ўжарлик билан, астойдил тақиллатдим ва шунга бўлса керак, эшик менга очилди.
Банк соҳасида ўтказилган деярли 7 йил менга жуда муҳим ҳаётий тажриба инъом этди. Мени, мижозларни жалб қилиш ва уларни биз билан ҳамкорликнинг манфаатли эканлигига ишонтириш йўлларига ўргатишар эди. Буларни ўзлаштиришим билан, меҳнатим ҳақиқий натижалар келтира бошлаши билан хизмат поғонасида кўтарилишга тўғри келди. Албатта, бунга қаршилик кўрсатганим йўқ, негаки, бошлиқларга эътироз билдириш мумкин эмас. Аммо ҳар қандай хизмат поғонасида ҳал қилувчи тўхтамлар учрайди – йўналишда давом этиш ёхуд умуман бошқа йўналишда кетиш. Мен иккинчисини танладим. Мустақил бўлиш ва севимли ишга – матнларни ёзишга ўзимни тамомила бағишлашни истадим.
Ўзининг севимли ишига Денис аллақачон 7 йилини бағишлади. Ўтган даврда у 800 дан ортиқ мижозлар билан муваффақиятли ҳамкорлик ўрнатди, 3000 дан зиёд сотувчи матнларни ёзиб битирди. Унинг ғалабалари қаторида – мижозига 4,5 миллион евро миқдорли буюртмани келтирган тижорат таклифидир.
Денис Каплунов Тошкентда 3 ва 4 ноябрь кунлари бўлиб ўтадиган икки кунлик бизнес-семинари давомида сотувчи матнларни ҳосил қилишнинг сир-синоатлари билан ўртоқлашиш учун атайин ташриф буюради. Семинарда «Сотувчи матннинг конструктори» ва «Бизнес-класс даражали копирайтинг» каби мавзулар кўриб чиқилади.
Семинар қатнашчиларга қуйидагиларни тушунишга ёрдам беришни мақсад қилиб қўйган:
- нима учун бугунги кунда 80% сотувчи матнлар фойда келтирмаётганлигини англаш;
- бизнес матнларда энг кенг тарқалган хатони билиб олиш;
- матнларни янада маълумотга ва далилларга бой, қисқа ва тушунарли қилиб ёзишни ўрганиш.
Мазкур бизнес-семинар тўғрисидаги батафсил маълумотни www.change.uz сайтидан ёки қуйидаги телефон рақамлари орқали олишингиз мумкин: (+99890) 994-12-11, (+99890) 995-12-11 ва (+99890) 994-16-11.
Реклама ҳуқуқи асосида. «Дарё» ушбу тадбирнинг ахборот ҳамкори ҳисобланади
Изоҳ (0)