Россиянинг Сахалин вилояти маъмурияти кучли циклон сабаб оролда 2 октябрь куни жорий этилган фавқулодда ҳолат тартибини бекор қилди. Бу ҳақда «Эхо Москви» хабар бермоқда.
Вилоят губернатори Олег Кожемяко Сахалин жанубидаги оролларни ҳаводан кузатган, унга аксарият аҳоли пунктларида электр энергия таъминоти қайта тиклангани ҳақида ахборот берилган, шундан сўнг у фавқулодда ҳолатни бекор қилиш ҳақида қарор чиқарган.
Маълумот учун, циклон оқибатида бир киши ҳалок бўлди, 20 дан ортиқ одам тан жароҳати олди, оролнинг минглаб аҳолиси электр таъминотисиз қолди, 700 дан ортиқ яшаш-жойига зарар етди. Дарёларнинг ўзанидан чиқиб кетгани сабаб, вилоятнинг икки туманида уйлар сув остида қолган.
Изоҳ (0)