Гватемала марказидаги Санта-Катарина-Пинула муниципалитетида юз берган сел оқими қурбонлари сони 79 кишига етди. Бу ҳақда «ТАСС» хабар бермоқда.
Дастлабки маълумотларга кўра, табиий офат натижасида камида 300 киши бедарак йўқолган.
Ҳалок бўлганларни излаш ва вайроналарни очиш ишлари маҳаллий вақт билан 6:00 га қадар тўхтатилган. Қайд этишларича, тун давомида ҳодиса юз берган ҳудудни 500 нафар полиция ходими ва ҳарбий хизматчи қўриқлаб чиқади.
Хабар беришларича, бир қатор давлатлар Гватемалага зарур ёрдам кучлари ва воситаларини юборишга тайёр эканлигини билдирди.
Изоҳ (0)