Россиянинг Новосибирск вилояти ва Красноярск ўлкасида Ўзбекистоннинг савдо-иқтисодий ва инвестициявий салоҳиятига бағишланган бизнес-форумлар бўлиб ўтди. UzDaily хабарига кўра, ушбу тадбирлар Ўзбекистоннинг Москвадаги элчихонаси ва Новосибирскдаги Бош консуллиги томонидан ташкил этилган.
Учрашувлар давомида Ўзбекистоннинг мустақиллик йилларида эришган юксак макроиқтисодий кўрсаткичлари, шунингдек, инвестициявий сиёсатнинг асосий самаралари ҳамда тадбиркорлик фаолияти, кичик бизнес ва хусусий тадбиркорлик ривожи учун шароитларнинг янада либераллаштирилаётганига алоҳида эътибор қаратилди.
Шу билан бирга, бизнес-форум қатнашчилари Ўзбекистоннинг сайёҳлик салоҳияти тақдимоти билан ҳам танишди. Хусусан, Италиянинг Милан шаҳрида 2015 йилнинг 1 майидан 31 октябрига қадар давом этадиган Expo Milano-2015 жаҳон кўргазмасидаги Ўзбекистон миллий стенди ҳақида батафсил ахборот берилди.
Изоҳ (0)