Россиянинг «Газпром» ва Хитойнинг CNPC компаниялари Узоқ Шарқ ҳудудидан Хитойга газ етказиб бериш бўйича англашув меморандумини имзолади. Бу ҳақда, «РБК» хабарига кўра, «Газпром» раҳбари Алексей Миллер маълум қилган.
Меморандумга мувофиқ, Россия томонидан Хитойга, Шарқий ва Ғарбий йўналишлар билан бир қаторда, янги — учинчи йўналиш бўйича газ етказиб бериш назарда тутилмоқда. «Бу янги, учинчи газ қувури бўлади», — деди Миллер ҳамда етказиб бериладиган газ миқдори ва муддати юзасидан қўшимча тижорий ва техник тадқиқотлар ўтказилишини қўшимча қилди.
2014 йил 1 сентябрида «Сибир кучи» номли газ қувури қурилиши бошланган эди — мазкур қувур орқали Россия Хитойга газ етказиб беради. Бу борадаги тегишли шартнома 2014 йил майида имзоланган эди. Ҳужжат 30 йилга мўлжалланган бўлиб, Россия йилига 38 миллиард метр куб газ етказиб бериш мажбуриятини олган. Газ етказиб бериш 2019—2021 йиллар оралиғида бошланиши кутилмоқда.
Изоҳ (0)