Лос-Анжелесда MTV Video Music Awards 2015 тақдимот маросими бўлиб ўтди. «Газета.ru» хабарига кўра, хонанда Майли Сайрус бошловчилик қилган мазкур тадбир MTV телеканали тарихидаги ҳисоб бўйича 32-тақдимотдир.
«Йил клипи» йўналишида Тейлор Свифтнинг «Bad Blood» қўшиғига ишланган видео ғолиб чиқди; клипда рэпер Кендрик Ламарнинг чиқиши эса «Энг яхши ҳамкорлик» мукофотига лойиқ кўрилди. Свифтнинг бошқа — «Blank Space» қўшиғи учун тайёрланган видео эса «Аёл хонанданинг энг яхши клипи» ва «Энг яхши поп-видео» йўналишларида MTV VMA 2015 ҳайкалчаларини қўлга киритди.
Fall Out Boy’нинг «Ума Турман» қўшиғи клипи «Йил рок-видеоси» деб топилди. Хип-хоп йўналишида Ники Минажнинг «Anaconda» қўшиғи клипи, «Эркак хонанданинг энг яхши клипи» йўналишида эса Марк Ронсон ва Бруно Марс дуэтининг «Uptown Funk» қўшиғи видеоси биринчи бўлди.
Ники Минаж тақдимот ташкилотчиларини ирқчиликда айблаганига қарамай, Майкл Жексон номидаги махсус мукофот АҚШ президентлигига номзодини қўймоқчилигини эълон қилган рэпер Канье Уэстга, мусиқа саноатида келажаги порлоқ ёш ижрочига айланган мукофот эса рэпер Fetty Wap’га топширилди.
Изоҳ (0)