Наманган вилоят ИИБ Йўл ҳаракати хавфсизлиги бошқармаси ходимлари «Таътил» тадбири доирасида Янгиқўрғон туманидаги «Камалак» болалар оромгоҳида дам олаётган болалар орасида тушунтириш ишлари олиб борди. Бу ҳақда вилоят ИИБ матбуот хизмати хабар бермоқда.
Малакали инспекторлар болаларга йўл ҳаракати қоидаларининг асосий низомларини, йўлларда тез-тез учрайдиган вазиятларни тушунтириб берди.
Тадбирда таъкидланишича, йўл ҳаракати қоидаларини ёш пайтиданоқ ўрганиб, ҳурмат қила бошлаш зарур, шу туфайли «Диққат, болалар!», «Диққат, пиёда!», «Яшил чироқ» каби тадбирлар ўтказилади.
Янги ўқув йилига тайёргарлик доирасида мактаблар жойлашган ҳудудларда йўл белгилари ва ишоралари янгиланмоқда, асфальтга «Диққат, мактаб!» ёзувлари туширилмоқда. Бундан ташқари, катта тезликни севувчи ҳайдовчиларни ҳушёрликка чақириш учун ЙҲХБ ходимининг металлдан ишланган шакллари йўл бўйларига жойлаштирилмоқда.
Изоҳ (0)