Ўзбекистонлик Twitter фойдаланувчилари #uzb24 хештегини жаҳон трендида биринчи ўринга олиб чиқди

Twitter ижтимоий тармоғининг ўзбекистонлик фойдаланувчилари #uzb24 хештегини жаҳон трендида биринчи ўринга олиб чиқди. Ушбу ҳолат акс этган скриншотлар фойдаланувчилар томонидан тармоққа чиқарилган.

Ураааааааа! Тарихий воқеа, азизлар! Биз тарих ярата олдик! Ўзбекистон трендида пешқадам!#uzb24 pic.twitter.com/su7njBozGC

— Usmon (@Usmon_IX) August 28, 2015

Хештег жаҳон трендига чиққан, жумладан, маълум вақт давомида жаҳон трендида биринчи ўринда ҳам турган.

Ўзбекистон мустақиллигининг 24 йиллигига бағишланган ижтимоий акция доирасида ушбу хештегни трендга чиқариш бўйича ҳаракат 28 август куни соат 16:00 дан бошланиши режалаштирилаётган эди.

#uzb24 хештеги трендга чиқиши учун Twitter фойдаланувчилари ўз твитларига ушбу хештегни қўшиб ёзиши керак. Хештег фойдаланувчилар томонидан қанча кўп твитларда ишлатилса – унинг трендда кўриниши имконияти шунча ошади.

Эслатиб ўтамиз, ўзбекистонлик Twitter фойдаланувчилари ўтган йилларда ҳам Мустақиллик байрами арафасида шундай хештегларни трендга чиқарган.