22 август, шанба куни Қобулдаги касалхона яқинида содир бўлган портлашда 12 киши ҳалок бўлди, 60 киши яраланди, дея хабар бермоқда «РБК». Қурбонлар орасида Афғонистонда шартнома бўйича ишлаган уч нафар америкалик ҳам бор.
Портловчи қурилма Toyota автомобилига ўрнатилган бўлган. Портлаш тўлқини бир нечта машинани йўқ қилган.
Ҳодиса натижасида асосан Афғонистоннинг тинч аҳолиси вакиллари қурбон бўлган.
Ҳалок бўлган америкаликлар DynCorp International компаниясида ишлаган, ушбу компания НАТО миссиясида хавфсизлик ва авиация мутахассисларини, шунингдек, афғон ҳарбий хизматчиларини тайёрлаш билан шуғулланади.
Изоҳ (0)