Россиянинг Челябинск вилоятида яшовчи Юрий Афанасов гаражида ертўла қазиётиб, мамонт дандон тишини топиб олди, дея хабар бермоқда «ТАСС» спелеоархеолог Владимир Юринга таяниб.
Суяк қарийб икки метр чуқурликдан топилган. Унинг ёши 20 дан 100 минг йилгача деб тахмин қилинмоқда. Топилма дандон тишнинг бир бўлагигина бўлиб, унинг узунлиги 184 см, диаметри 20 см. Дастлабки ҳисоб-китобларга кўра, бутун тишнинг узунлиги 3,5 метрга етиши мумкин.
Яқин орада топилма Сосновский туманидаги ўлкашунослик музейига зарур экспертизаларни ўтказиш учун топширилади.
Изоҳ (0)