Фаластин президенти Маҳмуд Аббос мамлакатдаги сиёсий жараён ўнгланмаётгани туфайли яқин ойлар ичида истеъфога чиқиши мумкин. Бу ҳақда Al-Hayat газетасига таяниб, «ТАСС» хабар бермоқда.
ОАВ маълумотларига кўра, Аббос Фаластин озодлиги ташкилоти (ФОТ) раҳбариятини сайлаш учун Миллий кенгаш тузиш юзасидан кўрсатма берган. Давлат раҳбарининг яқин сафдоши Соиб Арикат унинг вориси бўлиши мумкинлиги тахмин қилинмоқда.
Шу билан бирга, кузатувчилар Аббос Исроил томонидан Фаластин ҳудудида манзилгоҳлар қуришни тўхтатиш, «икки халқ учун икки давлат» лойиҳасини жорий этиш масалаларига АҚШ ва Евроиттифоқ эътиборини қаратиш учун жўрттага бундай хатти-ҳаракатларга қўл ураётган бўлиши мумкинлигини таъкидламоқда.
Изоҳ (0)