NASA 15—28 сентябрь кунлари оралиғида Ерга астероид келиб урилиши ва бу жиддий вайронагарчиликларни келтириб чиқариши ҳақидаги миш-мишларни рад этди, деб ёзади «РБК».
Нашр эслатишича, аввалроқ интернетда осмон жисми сайёра билан тўқнашиши натижасида Атлантикадан Мексика ва АҚШ соҳилларигача бўлган ҳудуд, шунингдек, Марказий ва Жанубий Америка барбод бўлиши ҳақида маълумот пайдо бўлган эди.
«Ушбу саналарда астероид ёки ҳар қандай осмон жисми Ерга таъсир ўтказиши бўйича ҳеч қандай илмий асос ва далил йўқ», — деди NASA мутахассиси Пол Ходас.
Изоҳ (0)