Корея Республикаси президенти Пак Кин Хе Сеулдан 40 км масофада жойлашган Йонъин шаҳридаги база ҳарбий хизматчиларининг тайёргарлигини текшириб кўрди, дея хабар бермоқда «ТАСС».
Режадан ташқари ташриф Корея ярим оролидаги вазиятнинг кескинлашуви фонида бўлиб ўтди.
Давлат раҳбари яқин вақт ичида мамлакат мудофаа вазирлиги раҳбариятидан жорий вазият бўйича маърузани қабул қилиб олиши кутилмоқда.
Президент қуролли кучларга КХДР томонидан янги провокациялар бўлган тақдирда жавоб зарбасини беришга шай бўлиб туриш ҳақида буйруқ берди.
Шунингдек, Сеул вазият кескинлашуви туфайли АҚШ ва бошқа мамлакатлар билан доимий алоқада бўлиб турибди.
Эслатиб ўтамиз, 20 август, пайшанба куни КХДР Корея ярим оролини иккига ажратиб турувчи ҳарбий демаркация чизиғининг ғарбий қисми бўйлаб Жанубий Корея ҳарбийлари жойлашган нуқталарни ўққа тутгани хабар берилган эди. Сўнг Жанубий Кореянинг баъзи қишлоқлари аҳолисини КХДР томонидан тўплардан ўқ ёғдирилиши туфайли эвакуация қилиш ҳақида буйруқ берилди. Жанубий Корея ҳарбийлари КХДР томонидан ўт очилганидан сўнг жавоб ўқини узди.
Изоҳ (0)