20 август куни Британиядаги польшалик мигрантлар ўзларининг Британия жамиятига қўшган ҳиссаси муҳимлигини исботлаш учун қон топшириш бўйича акция ўтказди, дея хабар бермоқда «Европейская Правда».
Улар бу билан Иккинчи жаҳон уруши вақтида польшаликлар Британия армияси таркибида жанг қилганини эслатиб, ҳозир ҳам улар Британия жамиятига фойда келтираётганини намойиш қилмоқчи.
Бундан ташқари мингга яқин польшалик парламент биноси қаршисида иш ташлаш уюштирди.
Таъкидланишича, кейинги ҳафта давомида бутун мамлакат бўйлаб минглаб мигрантлар қон қабул қилиш пунктларига ташриф буюрмоқчи.
Изоҳ (0)