Дмитрий Турусин, Николай Дорошчук ва Денис Каплунов – ушбу уч нафар юқори малакали маърузачи куз ойлари давомида Тошкентнинг ишбилармон доира вакиллари учун муаллифлик бизнес-семинарларини ўтказишни режалаштирмоқда.
Бўлажак маърузалар замований иш юритиш жараёнида мавжуд муаммолар ва муҳим вазифаларнинг қисқа вақт ичида ечим топишига кўмак беришга қаратилган.
14 октябрь куни Дмитрий Турусин томонидан ўтказилажак «Контакт нуқталари» деб номланган семинар компания ва мижоз ўртасида турли вазиятлар, вақт, жой, ҳужжатлар ва интерфейсларни ҳисобга олган ҳолда икки томонлама алоқа ўрнатиш ҳақидаги маълумотни етказибгина қолмай, юқорида келтирилган шартларнинг қай бири семинар қатнашчиси учун муҳимроқ эканлигини, уларни ишлатиш механизмининг қоида ва алгоритмлар асосида янада такомиллашитирш усулларини аниқлашга кўмак беради.
Николай Дорошчукнинг 21—22 октябрь кунлари бўлиб ўтадиган икки кунлик семинари эса дистрибуция, яъни маҳсулот тарқатиш масалаларига бағишланади. Иш юритишнинг ушбу йўналишида қарийб 23 йиллик тажрибага эга ушбу маърузачи, тушумни ошириш сирлари, шунингдек сотувлар бўлимининг сарф-харажатларини камайтириш ва муддатидан ўтган дебиторлик қарзларини қисқартириш каби муҳим мавзуларга тўхталиб ўтиши кутилмоқда.
Дмитрий Каплунов томонидан 3 ва 4 ноябрь кунлари ўтказиладиган икки кунлик семинар давомида замонимизнинг айниқса долзарб мавзулари — «Оммавий зарарланиш копирайтинги» ва «Бизнес тоифадаги копирайтинг» масалалари муҳокама қилинади. Россиянинг энг нуфузли копирайтерларидан бири Каплунов нима учун иш юритишда ва маҳсулот сотишда муҳим рол ўйнайдиган реклама матнларининг 80 фоизи бугунги кунда керакли натижаларни бермаяпти, деган саволга ойдинлик киритишга, шунингдек, таъсирли ва сотувчанлик қобилиятига эга матнларни яратишга қаратилган амалий тажрибаси билан ўртоқлашишга тайёр эканлигини билдирди.
Семинарлар доирасида тингловчилар мавзуларнинг қизғин муҳокамасида иштирок этиш, маърузачига саволлар бериш ҳамда намунали мисоллар орқали алгоритмлар ва фойдали усулларни амалда қўллаб кўриш имкониятига эга бўлади.
«Бундан бир қанча вақт муқаддам Игорь Манн томонидан ўтказилган бизнес-семинарни ташкиллаштирар эканмиз, Ўзбекистон ишбилармон доира вакиллари халқаро даражадаги мутахассисларнинг тажрибаларини ўзлаштириш орқали ўз билимларини чуқурлаштиришга тайёр эканликларига гувоҳ бўлдик. Шундай экан, бизнинг вазифамиз – кенг жамоатчилик эътиборига нафақат юқори билимли мутахассис тажрибасини ҳавола этиш, балки ушбу тажрибани атрофдагилардан сир тутмай, очиқ ойдин ва саводли тарзда етказай оладиган маърузачини жалб қилишдир», — дейди семинарлар ташкилотчиси, Be The Change Group компанияси директори Лев Гавриш.
Семинарлар Wyndham Tashkent меҳмонхонасида бўлиб ўтади. Тадбирлар дастури доирасида, шунингдек иштирокчиларнинг ўзаро мулоқоти учун танаффуслар ва дастхатлар сессияси бўлиб ўтиши режалаштирилган. Семинарларда иштирок этган тингловичларга «Тадбир қатнашчиси» расмий сертификати берилади. Чипталарни харид қилишга оид қўшимча маълумотни ташкилотчи компаниянинг расмий сайти www.change.uz ва +998 (90) 994-12-11 ҳамда +998 (90) 995-12-11 телефон рақамлари орқали билиб олишингиз мумкин.
Маърузачилар ҳақида:
Дмитрий Турусин«Контакт нуқталари: оқдан қора белбоғгача» деб номланган тренинг муаллифи. 2012 йилдан бошлаб очиқ турдаги тренингларни ўтказиб келмоқда. «Буквоед», Alcina, «Новая Линия» компаниялари учун ички тренинглар уюштиришга муваффақ бўлди. «Синергия» бизнес мактабининг тренери. Россияда «маркетинг» мутахассислиги бўйича Давлат бошқарув университетини тамомлаган. Business Management, яъни бизнес бошқарув мутахассислиги бўйича Napier Эдинбург (Шотландия) Университетининг бакалаври. Игорь Манн билан биргаликда «Контакт нуқталари. Маркетингни яхшилаш учун ишчи дафтар» бесцеллер китобига муаллифлик қилган (4 марта қайта нашр этилган).
Николай Дорошчук
Дистрибуцияни ривожлантириш соҳасининг етакчи мутахассисларидан бири. 23 йиллик амалий тажрибага эга. Сотувлар тизими Иш Унумдорлиги Коэффициенти (инглизча KPI) муаллифи. Консалтинг йўналишида фаолият олиб борувчи компания раҳбари. Қарийб 10 та мамлакатда иш олиб боради. МДҲ дистрибьюторлари халқаро форумининг асосчиси ва бошловчиси. ESMA Европа дистрибьюторлар ассоциацияси қатнашчиси. Консалтинг соҳасидаги 14 йиллик иш тажрибаси давомида турли бизнес раҳбарлари учун 514 маротаба маслаҳатлашувлар, 1113 та семинар; турли йўналишда фаолият олиб борувчи компаниялар учун 684 маротаба сотувлар тизими аудитини ўтказишга муваффақ бўлди. Соҳага оид анжуманлар ва дистрибьюторлар йиғинларида жами 29 маротаба чиқишлар қилган, МДҲнинг йирик дистрибьюторлари иштирокидаги 3 та форум ташкилотчиси бўлган, умумий адади 15 минг донага тенг дистрибуция бўйича 3 та китоб муаллифи, KPI’нинг 7013 нафар доимий обуначисига эга.
Денис Каплунов
Денис Каплунов — Россия федерациясининг энг машҳур ва ёрқин копирайтинг мутаҳассисларидан биридир. «Денис Каплунов студияси» копирайтинг агентлигининг асосчиси. «Оммавий зарарланиш копирайтинги», «Таркиб, маркетинг ва рок-н-ролл» ҳамда «Таъсирли тижорат таклифи» деб номланган китоблар муаллифи. Келишув қиймати борасидаги шахсий рекорди – у томонидан тузилган тижорат таклифи қиймати 4,5 миллион еврога тенг келишувнинг имзоланиши билан якунланди.
Be The Change Group компанияси ҳақида
Компания 2015 йилда ташкил топган. Ишнинг асосий йўналиши – турли соҳа етакчиларидан тор мутаҳассисликдаги семинарлар, маърузалар ва тренингларни ташкил этиш, бизнесни бошқариш ва зз устида ишлашга оид қатор дастурларни ишлаб чиқаришдир. Компания раҳбари – Лев Михайлович Гавриш – Ўзбекистон—Япония маркази қошидаги бизнесни бошқариш соҳасида мутахассисларни тайёрлаш билан шуғулланувчи дипломдан кейинги Профессионал Бошқарув Дастури (PMP) бўйича таҳсил олган. Буюк Британиянинг Оксфорд университети қошидаги Oxford Martin School WEC (World Education Corps) кўнгиллилари дастури асосида 2005—2006 йилларда Африканинг Танзания мамлакатида жойлашган KITDC ахборот сақлаш марказида фаолият юритган. Таълим ва халқаро алоқалар соҳаларини ривожлантириш йўналишида лойиҳаларни амалга оширишда кўп йиллик тажрибага эга.Семинар ташкилотчиси
Be The Change GroupТел: +998 (90) 994-12-11, +998 (90) 995-12-11
Электрон почта: info@change.uz
«Дарё» — семинарларнинг ахборот ҳамкори
Изоҳ (0)