Испаниялик архитектор Хосе Конехеро тўртта банкдан умумий ҳисобда 330 минг евро ўғирлагани учун полиция томонидан ҳибсга олинди. Бу ҳақда «Сегодня.ua» хабар бермоқда.
Полиция мазкур жиноятчи ортидан беш йил қидирув ишларини олиб борди. Бу вақт оралиғида Алба ва Лайи исмли эгизак опа-сингилларнинг отаси тўртта банкни ўмаришга улгурди.
Хабар беришларича, Конехеро ўз қизларини профессионал теннисчиларга айлантириш орзусида бўлган. Таррагона шаҳрида истиқомат қилувчи архитектор банкдан ўғирланган пуллар эвазига ўз ҳовлисида теннис корти қурдирган, қизларини теннис академиясида ўқитган ҳамда Алба ва Лайининг ITF таснифига кирувчи халқаро мусобақалардаги иштироки харажатларини тўлаб борган.
Қайд этиш жоиз, Алба Конехеро фаолияти давомида ITF’нинг асосий тўр баҳсларида учта ғалабани қўлга киритган бўлса, унинг синглиси яккалик баҳсларида бирорта ҳам муваффақиятга эришмаган.
Изоҳ (0)