Интернетда гўёки тест натижаларини билиш мумкин бўлган рақам тарқалди.
Facebook’даги «Потребитель.уз» гуруҳига жойланган (ва кейинроқ ўчириб ташланган) хабарда тест натижалари чиққани, буни билиш учун кўрсатилган рақамларни териб, SMS-хабардан сўнг ДТМ қоғозидаги кодни киритиш кераклиги айтилади. Хизмат 10 центга тушиши қўшимча қилинган.
Бироқ хизматни синаб кўрган фойдаланувчилар ёзишича, бу фирибгарларнинг иши бўлиб, рақамни терсангиз, ҳисобингиздан пул кетгани қолади.
Эслатиб ўтамиз, аввалроқ интернетда гўёки Давлат тест маркази расмий сайтида 1 август куни бўлиб ўтган тест синови натижалари бекор қилингани ҳақида берилган эълон тарқалди. ДТМ сайтидан олинган «скриншот»да 1 сентябрь куни қайта тест синовлари ўтказилиши айтилади.
Ўзбекистон олий таълим муассасаларига кириш имтиҳони натижалари яқин кунларда эълон қилиниши кутилмоқда. Бу ҳақда Давлат тест маркази «Дарё»га маълум қилди. Натижалар айнан қайси санада эълон қилиниши ҳозирча маълум эмас, бироқ бу аниқ бўлиши билан «Дарё» орқали хабар топишингиз мумкин.
Изоҳ (0)