Британиялик 22 ёшли аёл бир яшар қизининг юзига автомобилнинг тамакини ёндириб олиш ускунаси воситасида смайл белгисини куйдириб туширгани учун тўрт йилга озодликдан маҳрум этилди. Бу ҳақда «Nur.kz» хабар бермоқда.
«Сиз ўз қизингизга тамға туширдингиз! Сиз унинг юзида бир умр кўриниб турадиган из қолдирдингиз. Ва сиз бу ҳаракатни қасддан амалга оширгансиз», — деди маҳкама давомида судья.
Она мазкур қилмишдан сўнг ўз боласи учун тиббий ёрдам сўраб мурожаат қилмагани учун ҳам айбланмоқда. Унинг ўзи эса қўйилаётган айбларни рад этмоқда. Унинг адвокати мижози «соддалик ва ғўрлик қилгани»ни айтмоқда.
«Бу ҳодисаларнинг бари у 22 ёшда эканлигида юз берган. У болаларга қараш ёки уларга оналик қилиш ҳолатида бўлмаган», — деди адвокат.
Адвокатнинг қўшимча қилишича, аёл ҳозирнинг ўзида ҳам етарли даражада жазоланиб бўлди — у ўз фарзандларига оналик қилиш ҳуқуқидан маҳрум этилди.
Изоҳ (0)