Япониянинг Isuzu Motors компанияси Самарқанд автомобиль заводининг устав капиталидан 8 фоизлик улушни ўзлаштириш бўйича «Ўзавтосаноат» акциядорлик компанияси билан келишув имзолади. Бу ҳақда «Ўзавтосаноат» Ахборот хизмати хабар берди.
Ушбу келишув Isuzu Motors ва «Ўзавтосаноат» АК ўртасидаги узоқ муддатли ва ўзаро фойдали ҳамкорликнинг мантиқий давоми ҳисобланади. Ташриф давомида томонлар Самарқанд автомобиль заводини келгусида узоқ муддатли ривожлантириш стратегияси, моделлар қаторини кенгайтириш ва янгилаш, маҳаллийлаштириш даражасини чуқурлаштириш, ҳамда соҳага илғор япон технологияларини ва ишлаб чиқариш жараёнини татбиқ қилиш бўйича келишувга эришди.
Isuzu Motors ва «Ўзавтосаноат» АК ҳамкорлиги 2007 йилда бошланган эди. Сиқилган табиий газда ҳаракатланадиган юк автомобилларининг янги моделларини ишлаб чиқаришни ўзлаштириш ушбу ҳамкорлик ривожланишида муҳим аҳамиятга эга.
Isuzu Motors компанияси 2007 йилдан буён Самарқанд автомобиль заводининг технологик ҳамкори ҳисобланиб, заводда ишлаб чиқарилаётган автобуслар, ўрта оғирликдаги юк автомобиллари ва бошқа тижорий техникаларга шасси ва двигателлар етказиб беради.
Изоҳ (0)