Италиянинг Моден ва Милан шаҳарларида буюк хонанда Лучано Павароттига бағишланган бирйўла иккита музей очилди. Бу ҳақда «ТАСС» хабар бермоқда.
Паваротти жамғармаси хонанданинг она юрти Моденда Лучано томонидан ўлимидан бир неча йил аввал қуриб битказилган уйда музей очилганини эълон қилди. Ташриф буюрувчилар тўрт қаватда жойлашган 12 хонада хонанданинг 40 йиллик фаолияти давомида тўпланган кийимлар коллекцияси, концерт ва спектакллари видеоёзувларини томоша қилиши, шунингдек, Павароттининг қизиқишларидан бири — отхонани сайр этиш имкониятига эга.
Модендаги уй билан деярли бир вақтда Миланда Павароттига бағишланган ресторан-музей ҳам очилди. 7 хонадан иборат ва 600 квадрат метр жойни эгаллаган ушбу ресторанда хонанда туғилиб-ўсган Эмилия-Романья провинцияси таомлари, хусусан, у ёқтирган тортеллини ва тальятелле каби овқатлар тортилади. Музейдан хонанданинг суратлари ва эсдалик буюмлари ҳам ўрин олган.
Изоҳ (0)