Европа олимлари машҳур антрополог Хуан-Луис Арсуага бошчилигида Искандар Зулқарнайннинг отаси Филипп II Вергина шаҳрида жойлашган қадимий мозордаги биринчи қабрга кўмилганлигини исботлашга уринди. Бу ҳақда Proceedings of the National Academy of Sciences журнали хабар беради.
1977 йилда грециялик олимлар учта сағанани қазиб очган. Босқинчилар томонидан тегинилмаган, қурол-яроғ ва олтин буюмлар билан тўлдирилган иккинчи қабр «қирол мақбараси» номини олган ва олимлар ундан Филипп II нинг суякларини қидириб топишга уринган. Деворлари фрескалар билан безатилган биринчи қабр босқинчилар томонидан талаб кетилган.
Арсуага ва унинг ҳамкасблари фикрича, бошқа археологлар биринчи сағанага эътибор қаратмаган. Бундан ташқари улар эрамиздан аввалги 339 йилда Филипп II скифларга қарши юриш чоғида яраланиши натижасида оқсаб қолганлиги қайд этилган қадимги манбалар ҳақида ўйлаб кўрмаган. Фақат биринчи мақбарадан топилган эркак суякларида оёғидан жароҳат олганлик белгилари кўринади. Унинг бўйи ва ёши ҳам тарихчиларнинг Македония подшоси ҳақидаги тасаввурларига мос келади.
Изоҳ (0)