Дунёга машҳур Марокаш яна ўзининг юқори савияга эга эканлигини исботлади. Қиролликнинг сарғиш қизил рангли шаҳри нуфузли халқаро мукофот World Travel Awards’ни қўлга киритди, деб хабар беради «ТАСС».
Машҳур сиёсатчилар, шоу-бизнес ва спорт юлдузлари дам олишни яхши кўрувчи Namaskar, Royal Mansour, Selman, шунингдек, афсонавий Mamounia каби Марокашнинг бир қатор замонавий меҳмонхоналари ҳакамларда катта таассурот қолдирди.
Шунингдек бу ердаги спорт сайёҳлиги ва дам олиш учун яратилган қулай имкониятлар, гольф майдонлари, теннис кортлари, бассейнлар, ҳамда соғломлаштирувчи марказлар, спа-салонлар ва ҳаммомлар алоҳида мақтовга сазовор бўлди.
2014 йилнинг якунларига кўра Марокашга икки миллиондан ортиқ сайёҳ келган, шаҳардаги халқаро аэропорт тўрт миллиондан ортиқ йўловчига хизмат кўрсатган.
Изоҳ (0)