ФИФА вице-президенти Жеффри Уэбб 10 миллион доллар гаров эвазига озодликка чиқди. У Бруклиндаги федерал суддан 32 километр нарига узоқлашмаслиги керак. Унинг ҳаракатларини махсус электрон қурилма кузатиб боради. Бу ҳақда «Эхо Москви» радиоси хабар бермоқда.
Олдинроқ судда Уэбб ўзига нисбатан қўйилган товламачилик ва пора олганлик тўғрисидаги айбларни рад этганди. Прокуратура амалдорни 24 йил мобайнида 150 миллион доллар пора олганликда гумон қилмоқда.
Эслатиб ўтамиз, Жеффри Уэбб 27 майда Цюрихда қўлга олиниб, шу ҳафтада АҚШга экстрадиция қилинган эди.
Изоҳ (0)