Португалияда давом этаётган пляж футболи бўйича Жаҳон чемпионати гуруҳ босқичининг учинчи тур ўйинлари бўлиб ўтди, деб хабар қилади Ўзбекистон футбол федерацияси матбуот хизмати.
Ушбу Жаҳон чемпионатида ўзбекистонлик ҳакам Бахтиёр Намозов ҳам иш олиб бормоқда.
Кеча, 14 июль куни «C» гуруҳи, 3-тур ўйинлари доирасидаги Бразилия – Испания учрашувини Намозов бошқариб борди.
Маълумот учун, мазкур баҳс 2:1 ҳисобида Бразилия терма жамоасининг ғалабаси билан якунланди.
Эслатиб ўтамиз, Намозов олдинроқ Сенегал – Португалия ўйинига ҳам ҳакамлик қилганди.
Изоҳ (0)