«Тошкент — Ўш» автомобиль йўли қурилиши учун ажратилган маблағни ўзлаштиргани учун, «Олмазор» давлат таъмир корхонасининг икки раҳбари ва ҳисобчиси жиноий жавобгарликка тортилди, дея хабар бермоқда «Uz24» «Ҳуқуқ» газетасига таяниб.
Пудрат шартномасига кўра, корхона ишчилари 12,753 миллиард сўмлик ишларни бажариши, таъмирланаётган йўлларга 24 сантиметр қалинликдаги бетон қоплама тўшаши керак эди. Бунинг ўрнига, ишчилар зарур бўлганидан 4 сантиметрга юпқа қоплама тўшади, ҳужжатларга эса ёлғон маълумотлар киритилди. Иш 991,533 миллион сўмга сифатсиз қилиб бажарилди.
Кейинроқ ҳисобчи ёрдамида солиқ қўмитасига 2013 йил якунлари бўйича қалбаки ҳисобот топширилди. Корхона раҳбари 17,879 миллион сўмлик солиқни тўламаганлиги маълум бўлди.
Айбдорларнинг барчаси жиноий жавобгарликка тортилди.
Изоҳ (0)