Жанубий Кореянинг Кванджу шаҳрида давом этаётган Бутунжаҳон талабалар Универсиада ўйинларида Ўзбекистон делегацияси ҳисоби олтин медаль билан бойиди, деб хабар беради «Stadion.uz».
Энг оғир вазндаги таэквондо усталари ўртасида кечган мусобақада Ўзбекистон шарафини ҳимоя қилган Дмитрий Шокин нимчорак финалда Эстебан Кабо (Испания)ни 12:0, чорак финалда Каан Қилич (Туркия)ни 14:9, ярим финал жангида эса эронлик Меҳран Аскарини 9:7 ҳисобида мағлуб этиб, ҳал қилувчи финал баҳсида таэквондо ватани вакили, кореялик Ён Кун Паркни 2:1 ҳисобида енгди.Шу тариқа, дастлабки олтин медалга сазовор бўлган Ўзбекистон делегацияси умумжамоа ҳисобида 37-ўринга кўтарилиб олди.
Изоҳ (0)