Миср ва Судан ўртасида жойлашган, майдони Москва шаҳриникича — 2000 км квадрат бўлган Бир Тавил чўл ҳудуди ХХ аср бошидан буён бирор давлатга қарашли эмас, деб ёзади «Meduza». Миср ҳам, Судан ҳам ундан воз кечган, бироқ сўнгги пайтларда унга бирйўла икки «қирол» даъвогарлик қилмоқда — бири АҚШдан, иккинчиси Россиядан.
Биринчиси — Иеремия Хитон АҚШнинг Виржиния штатида яшовчи фермер бўлиб, у ўз қизини малика деб аташлари учун Бир Тавилга йўл олган ва қизи томонидан чизилган байроқни ушбу ҳудудга ўрнатган. У ушбу ҳудуни Шимолий Судан Қироллиги деб эълон қилган.
Иккинчиси — россиялик ишбилармон Дмитрий Жихарев бўлиб, 2014 йил декабрда ушбу ҳудудга етиб келган ва у ерда Россия байроғини ўрнатиб, Ўртаер Қироллиги деб эълон қилган. Ўз рамзларини ўйлаб топгунича Росссия байроғидан фойдаланиб туришини айтган.
Дмитрий Миср ҳукуматидаги танишларидан Хитон Бир Тавилга ушбу давлат ҳудудидан ўтиб бормаганини аниқлаштирганини, Судан эса америкаликларни ҳеч қачон ўтказмаслигини, шу сабабли унинг байроқ билан тушган сурати сохта бўлиши мумкинлигини тахмин қилаётганини маълум қилган. Хитон эса у биринчи келгани учун ушбу ҳудудга даъво қилишга ҳақли эканлигини таъкидлаган.
Хитон Бир Тавилга Нил дарёсидан қувур ўтказиб, боғ яратмоқчи. Жихарев эса ўз қироллигида артезиан қудуғини қазишни режалаштирмоқда.
Изоҳ (0)