Буюк Британиянинг HSBC банки ИШИД жангарилари томонидан асирнинг қатл этилишига видеопародияни интернетга жойлаган олти нафар ходимини ишдан бўшатди. Бу ҳақда Foreign Policy журнали хабар бермоқда.
Нашрнинг маълумотларига кўра, Бирменгемда тимбилдинг бўйича тадбирларда иштирок этган банк ходимлари шундай кўринишдаги роликни суратга олиб, Instagram’га жойлаштирган. Роликда уларнинг тўқ сариқ рангли кийимда чўк тушиб турган ҳамкасбини ўраб олгани тасвирланган. Улардан бири қўлидаги кийим илгични пичоққа ўхшатиб ушлаб ҳам олган.
HSBC вакиллари ушбу видеони «жирканч» деб атаган ва компания номидан барчадан кечирим сўраган. Уларда иштирок этган юридик бўлим ходимларининг барчаси ишдан бўшатилган.
Изоҳ (0)