Россия ҳудудида бўлиб ўтган Жанубий Корея билан музокараларда иштирок этган Шимолий Корея генерали Пак Син Вон вазиятдан фойдаланиб ватанидан қочди. Бу ҳақда «Kommersant.ru» хабар бермоқда.
«Тона Ильбо» нашри маълумотларига кўра, ўз вақтида Россияда ҳам меҳнат қилишга улгурган Корея халқ армияси генерали 2015 йилнинг апрель ойида Россия элчихонасида «учинчи мамлакатдан» сиёсий бошпана тақдим этишни сўраган.
ОАВ хабарига кўра, генерал мамлакатда олиб борилаётган сиёсий террор сабаб КХДРдан қочишга қарор қилган.
Аввалроқ КХДР етакчиси Ким Чен Ин юқори мартабали амалдорлар орасида намойишкорона тозалаш ишларини давом эттираётгани ҳақида хабар берилган эди.
Май ойида Шимолий Корея раҳбари мамлакат мудофаа вазирини қатл этишга буйруқ бергани маълум бўлганди – вазир мажлислар вақтида мудраб, шу йўл билан «мамлакат етакчисига ҳурматсизлик кўрсатгани» учун олий жазога маҳкум этилган.
Изоҳ (0)