Ўзбекистон харид имкониятлари мутаносиблиги билан ҳисобланган ЯИМ бўйича дунёда 64-ўринни эгаллади
Жаҳон банки томонидан эълон қилинган харид имкониятлари мутаносиблиги (ХИМ) ҳисобга олинган ялпи ички маҳсулот миқдори бўйича дунё мамлакатлари рейтингида Ўзбекистон 171,416 миллиард долларлик ЯИМ (ХИМ) билан 64-ўринни эгаллади, деб хабар бермоқда UzDaily.
2013 йилда Ўзбекистон ушбу рейтингда 156,256 миллиард долларлик ЯИМ (ХИМ) билан 66-ўринни эгаллаган эди. Реал ЯИМ миқдори бўйича Ўзбекистон 62,644 миллиард долларлик кўрсаткич билан 73-ўринни эгаллаган. 2013 йилда Ўзбекистон ушбу рейтингда 75-ўринда бўлган.
Жаҳон банки маълумотларига кўра, 2014 йил Ўзбекистонда аҳоли жон бошига ЯИМ 2090 долларни ташкил этган (2013 йилда 1878 доллар) ва бу борада 159-ўринни эгаллаган. Аҳоли жон бошига ЯИМ (ХИМ) бўйича эса 5840 долларлик кўрсаткич билан 146-ўринни эгаллаган.
