2015 йил 23 июнь куни Ўзбекистон Республикаси Президентининг «2015—2016-ўқув йилида Ўзбекистон Республикасининг олий таълим муассасаларига қабул тўғрисида»ги қарори асосида бакалавр босқичида бир қатор янги йўналишлар ташкил этилди.
Хусусан, «Корпоратив бошқарув», «Ишлаб чиқариш корхоналарида энергоаудит ва энергетик текширув», «Тоғ электромеханикаси», «Маркшейдер иши», «Давлат бюджетининг ғазначилик ижроси» йўналишлари бўйича илк марта қабул амалга оширилса, ўтган йили ташкил этилган «Қиймат инжиниринги», «Доривор ўсимликларни етиштириш технологияси» каби янги йўналишларга иккинчи бор талабалар қабул қилинади.
2015 йилда 20 та ОТМларда қабул режаси қисман ўзгарди. Қайсидир ОТМларда баъзи йўналишлар бекор қилинди, қайсидир ОТМларда эса янги йўналишлар бўйича қабул жорий қилинди.
Ушбу ўзгаришлар қайси ОТМларда бўлганлиги ва юқорида номи келтирилган 5 та янги йўналиш бўйича қайси ОТМларда илк марта қабул амалга оширилаётгани ҳақида «Дарё» нашри ва «Xushnudbek.uz» сайти ҳамкорликда махсус ташкил қилган «Абитуриент—2015» лойиҳаси доирасидаги ушбу мақолада танишишингиз мумкин.
Изоҳ (0)