Таниқли қўшиқчи Леди Гага Бокудаги биринчи Европа ўйинлари очилиш маросимида чалган рояль икки мингдан зиёд гуллар билан безатилди, дея хабар бермоқда ТАСС.
Фортепианони безаган Озарбайжондаги энг машҳур гулчилардан бири Дмитрий Туркан сўзларига кўра, гуллар сўлиб қолмаслиги учун уларнинг ҳар бири алоҳида пробиркага жойланган.
Композицияга чиннигул, клематис, саллагул, атиргул, шаббўй, пассифлора, эвкалипт каби гуллар кирди.
Аввалроқ Леди Гага 12 июнь, жума куни биринчи Европа ўйинлари очилишида чиқиш қилишидан аввал бир неча кун давомида махфий равишда Бокудаги меҳмонхоналардан бирида истиқомат қилгани хабар берилган эди.
Очилиш маросимида хонанда Жон Ленноннинг Imagine қўшиғини ижро этди. Леди Гаганинг маросимдаги қатнашуви кутилмаган ҳодиса бўлди, чунки маросим дастурида унинг иштироки қайд этилмаган эди.
Изоҳ (0)