50 ёшдан кам бўлмаган ҳар бир логотипнинг ўз тарихи мавжуд. Уларнинг аксарияти яратувчилар томонидан шифрланган махфий мактубга эга. Улар биз учун эмас, балки бизнинг беҳуш ҳолатимизда ҳам ушбу мактубларни шундоқ ўқий оладиган «Мен» учун ёзилган. Айдентика – бренд, компаниянинг визуал қиёфаси - жуда жумбоқли топишмокли, сирли, ақл бовар қилмайдиган фандир.
Одатда бундай логотиплар камдан-кам ҳолатларда ўзгаради. NESTLÉ компанияси ўзининг 147 йилдан ортиқ вақт ичидаги фаолияти давомида ўз логотипини деярли янгилагани йўқ. Иккита полапони билан она қушча ўтирган кичкина уйчанинг ёши компаниянининг ёши билан тенг. Даставвал уйчадаги она ва полапонлар сони учта эди, бироқ 1988 йилда маркетологлар Европа оилаларидаги болалар сони камайиши сабабли иккита полапон етарли деган қарорга келишди. Ушбу логотипни ҳозирга қадар NESTLÉ компаниясининг барча маҳсулотларида кўриш мумкин. NESCAFÉ® эрувчан қаҳвасининг банкачасига диққат билан назар солинг, унда ҳам уйча мавжуд.
Жорий йилда NESCAFÉ® брендига 77 йил тўлди. Ўтган асрнинг ўттизинчи йилларида таниқли кимёгар Макс Моргенталер қаҳва доналарини сақлашнинг инқилобий усулини ихтиро қилган ҳолда дунёдаги биринчи саноат миқёсида ишлаб чиқариладиган эрувчан NESCAFÉ® қаҳвасини яратган эди. Қаҳвага ишқибозлигимиз учун айнан унга миннатдор бўлишимиз керак. Миллионлаб одамлар ўз тонгини бир чашка қаҳвадан бошлайди.
NESCAFÉ® логотипининг кўриниши ҳам яратилгандан буён ўзгаргани йўқ. Тўғри чизиқли қатъий ҳарфлар, “E” ҳарфи устидаги акут, яъни анъанавий урғу. Акут – бу NESCAFÉ® айдентикасидаги махфий белги. У логотипда, қаҳва қадоғида ва ҳатто NESCAFÉ® қизил кружкасининг бандида ҳам қўлланади. Албатта, биз бунга эътибор қилмаганмиз, ахир айдентика бизнинг кўзларимиз учун эмас, балки жамоавий ғайришуурий «Биз» учун ёзилади-да.
2014 йилда NESCAFÉ® бренди ўзининг 76 йиллик тарихи давомида илк бор глобал тарзда янгиланиши ҳақида эълон қилди. Энди NESCAFÉ® қаҳваси сотиладиган дунёнинг 180 та мамлакатида, ушбу маҳсулотлар қатори учун ягона дизайн элементлари қўлланмоқда. NESCAFÉ® логотипининг ҳарфлари юмшоқроқ ва айланасимон шаклга кирди. Машҳур акут ҳам рангини ўзгартириб, замонавийроқ кўринишга эга бўлди. Диққат билан разм солинг, энди у яримта қаҳва донаси шаклида. Бизга эса яна ҳеч ким ҳеч нимани айтгани йўқ. Бундан ташқари, NESCAFÉ® брендини бутун дунё бўйлаб ягона шиор «It all starts with a NESCAFÉ®» бирлаштирди. У ўзбек тилида қуйидагича янграйди: «Барчаси NESCAFÉ® билан бошланади». Ушбу шиор бизга «ҳар бир янги кун, янги тонг NESCAFÉ® билан бирга янги имкониятларни олиб келади» деган бренд мафкурасини етказади.
Биринчи бўлиб NESCAFÉ® Classic қаҳвасига ўзгартириш киритилди. Ўтган йили унинг таъми ва ташқи кўриниши ўзгарди. Янги таъм юмшоқроқ ва мувозанатлаштирилган ҳолатга келтирилди, қадоқнинг дизайни эса бежирим ва замонавий кўринишга эга булди. Шу билан бирга, NESCAFÉ® маҳсулот қаторига мансуб яна бир қаҳва – NESCAFÉ® Gold ҳам янги кўринишга, қиёфага эга бўлди. NESCAFÉ® Gold сублимацияланган қаҳва классикаси ҳисобланади. Эфир мойлари билан тўйинган арабика ва тетиклик бахш этувчи робуста донларининг муваффақиятли аралашмаси NESCAFÉ® Gold қаҳвасига бетакрор таъм бағишлаган. Уйда, офисда, ҳамкасблар, дўстлар ва яқинлар даврасида мароқ билан тайёрланадиган NESCAFÉ® Gold қаҳвасининг таъми, хушбўй ҳиди ва юқори сифати ўзгаргани йўқ.
Бироқ қадоқ янада ёрқинроқ, замонавийроқ, мазалироқ бўлгандир?
Унда сарғиш-тилларанг, ширин шоколад ва карамел туслари, чашка атрофида кўклам ва лаззат ифорини таратиб турган қаймоқранг кўпик пайдо бўлди. Янги ранглар ҳаёт таъми ифорини тарқатмоқда. Бу ҳолат — содир бўлаётган воқеалардан ажабланишдан чарчамаслик, ҳар куни бирор ғайритабиий ҳодиса юз беришини кутиш ва ҳаётдан самимий қувониб яшаш демакд. Ҳаётдан баҳра олиб яшаш – бу олий неъмат. Ушбу қобилиятни бутун умри давомида сақлай олган киши эса ҳақиқатдан ҳам бахтиёр инсондир. Шунчаки ўзингиздан бир сўраб кўринг–қачон ич-ичингиздан шодликни, қувонишни ҳис қилгансиз?
Сизга севимли NESCAFÉ® қаҳвасининг чин моҳиятини ошкор этмоқчиман. Бу дунёдаги энг биринчи қаҳва ишқибозлари кашф этган таассуротлар – тонг қувончи, ҳаёт қувончи, ҳақиқий лаззат қувончидир. Буни қоида қилиб олинг. Уйқуга тўймаганингизда, беҳосдан «чап томонингиз билан турганингизда», ишга кечиккан ҳолда қўлингиз ишга бормаган пайтда – ўзингизга қаҳва қуйинг ва бир зум ҳаракатланманг. Дeразага боқинг. Бармоқларингизни иситинг. Севимли қаҳванинг хушбўй ҳидидан завқ олинг. Шунда янги кунингиз бошланганини ўзи катта бахт эканини англаб етасиз.
Маҳсулот сертификатланган. Реклама ҳуқуқи асосида
Изоҳ (0)