Шимолий Корея сўнгги 100 йил ичидаги энг кучли қурғоқчиликни бошидан кечирмоқда

Шимолий Корея жорий йил ёзида сўнгги юз йилдаги энг кучли қурғоқчиликни бошидан кечирмоқда. Бу ҳақда Корея марказий телеграф агентлигига асосланиб «РИА Новости» хабар берди.

«КХДРда давом этаётган сўнгги юз йил ичидаги энг кучли қурғоқчилик қишлоқ хўжалигига улкан зарар етказмоқда», — дейилади хабарда. Агентлик маълумотига кўра, ёмғирлар йўқлигидан бутун мамлакатдаги гуруч плантациялари, айниқса Хванхе ва Пхёнан провинцияларидаги экинлар нобуд бўлади.

Қайд этилишича, Шимолий Корея қишлоқ хўжалиги 1990 йиллар ўрталаридан буён ҳам қурғоқчилик, ҳам сув тошқинларидан бир неча марта зиён кўрган. Ғарб матбуоти бу даврда мамлакатда 100 минглаб одамлар ҳалок бўлгани ҳақида ёзган.