Кўп йиллар аввал Майк Хьюз исмли ўт ўчирувчи 9 ойлик Даниэль Дэвисонни ёнғиндан омон олиб чиққанди, дея хабар бермоқда Adme.ru.
«Етиб келганимизда уйнинг катта қисми аланга ичида қолганди. Даниэлни ётоқхонадан, ўз ўрнига ғужанак бўлиб ётиб олган ҳолда топгандим», - дейди Хьюз.
Орадан бир неча йил ўтиб, ўт ўчирувчи ўзи қутқарган чақалоқнинг тақдири билан қизиқди. У Facebook’дан унинг аккаунтини топиб, унга: «Адашмасам, сен жуда кичкина бўлганингда, мен сени ёнғиндан олиб чиққанман», - деб ёзди. Шундан сўнг улар ёзишмаларни давом эттиришди ва Майк қиз учун иккинчи отасидек бўлиб қолди.
Ўша ёнғиндан 17 йил ўтиб Даниэль Майкни ўзининг қутқарувчиси ва яқин дўсти сифатида битирув оқшомига таклиф қилди.
Собиқ ўт ўчирувчи Даниэлнинг сўзларини эшитиб, кўзига ёш олди. Даниэль шундай деди: «Майкнинг бугунги тадбирда иштирок этаётгани мен учун жуда муҳим. Ҳаммаси бутунлай бошқача бўлиши мумкин бўлганини ўйласам, ҳар доим бахтиёрлигимдан йиғлайман. Агар сен бўлмасанг, мен бу ерда бўлмасдим».
Изоҳ (0)