Ўзбекистон мусулмонлари идораси раиси, муфтий Усмонхон Алимов Уламолар кенгашининг 2015 йилги Закот, фитр садақа ва фидя миқдори бўйича қарорини имзолади. Қарор матни мусулмонлар идорасининг расмий веб порталида эълон қилинган.
Унга кўра, закот нисоби 1 грамм тилланинг бугунги кундаги бозордаги ўртача нархи 84 000 (саксон тўрт минг) сўм эканлигини эътиборга олиб, 85 грамм тилла ҳисобидан закот нисоби 7 140 000 (Етти миллион бир юз қирқ минг) сўм эканлиги ва мазкур суммадан қирқдан бир ҳиссаси, яъни 178 500 (бир юз етмиш саккиз минг беш юз) сўм закот чиқариш тўғрисидаги хулосаси маъқулланди.
Fitр садақаси миқдори вилоят, шаҳар ва туман бозорларидаги 2 килограмм буғдой нархидан келиб чиққан ҳолда белгиланади. (Масалан 2015 йилда Тошкент шаҳри бозорларида 1 килограмм буғдойнинг нархи ўртача 1 600 сўм бўлса, демак 2 килограмм буғдой нархи 3 200 сўм бўлади).
Фидя миқдори узр билан рўза тутолмайдиган кишилар учун бир оч одамнинг бир кунлик озиқ-овқати баробарида бўлиб, ўртача 10 000 (ўн минг) сўм деб белгиланди.
Изоҳ (0)