Янги Зеландияда ўтаётган ёшлар ўртасидаги жаҳон чемпионатининг гуруҳ босқичи доирасида Ўзбекистон ўзининг сўнгги учрашувини Фижи ёшларига қарши ўтказди.
Ўйинда ўзбекистонликлар Элдор Шомуродов, Забиҳилло Ўринбоев ва Миржамол Қосимовнинг голлари эвазига 3:0 ҳисобида рақибидан устун келди. Параллел равишда ўтказилган баҳсда немислар Гондурасни 5:1 ҳисобида таслим этди. Бу эса Ўзбекистоннинг гуруҳда иккинчи ўринни эгаллашини таъминлади. Ўзбекистон, Гондурас ва Фижи гуруҳда бир хил — 3 очкодан жамғарди, аммо тўплар нисбатига кўра Равшан Ҳайдаров шогирдлари 1/8 финал йўлланмасига эга чиқди.
U-20 ЖЧ. F гуруҳи. 3-тур
ФИЖИ – ЎЗБЕКИСТОН – 0:3 (0:0)7 июнь, 07.00, «Толл Стадиум»Гол: Шомуродов, 62 - 0:1. Ўринбоев, 63 - 0:2. Қосимов, 90+3 - 0:3.Фижи: Найрубе, Найду, Туивуна, Сивоки, Хьюз, Дрелоа, Чанд, Прасад, Варанаивалу, Веревоу, Вака.Ўзбекистон: Ҳамроев, Турсунов (Ғиёсов, 46), Абдуллаев, Ҳамробеков, Соҳибов, Ҳамдамов (Қосимов, 75), Шукуров, Ашурматов, Комилов, Шомуродов, Ўринбоев.
Изоҳ (0)