Google ва Levi’s компаниялари ўзига хос интерфаол кийим яратиш устида бош қотирмоқда, деб хабар берди «Аргументи недели». Ғоя анча оддий — текстилга кийимни юқори технология қурилмасига айлантирувчи ўтказувчан толалар тўқилади.
Биринчи навбатда юқори технологияли жинсилар чиқарилади. Ҳозирда уларни ишлаб чиқиш бошланган. Уларга кўплаб турли датчиклар ўрнатилиб, гаджетларга уланади.
Бундай технологиянинг амалда қўлланилиши эҳтимолларидан бири сифатида уни келажак ақлли уйларининг умумий тизимига бирлаштириш кўрилмоқда. Шунда ўз кийими ёрдамида уйдаги барча электроника воситаларини бошқариш, ҳаттоки буни масофадан туриб амалга ошириш мумкин бўлади.
Изоҳ (0)