Янги интернет-вирус жаҳон бўйлаб миллиондан ортиқ хонадон роутерларини зарарлади. Informing.ru’нинг ESET компанияси мутахассисларига асосланиб хабар беришича, кўплаб фойдаланувчилар уларнинг роутери зарарланганини билмайди ҳам.
Elan (французча «буғу» дегани) номини олган вирус оммабоп ижтимоий тармоқларга сизиб кириш учун кучсиз паролларнинг оддий танловидан фойдаланади. Шундан сўнг зарарланган роутернинг эгаси YouTube, Twitter, Instagram ва Facebook’даги ҳисобларига кирмоқчи бўлганида, бунинг уддасидан чиқолмайди.
Мутахассисларнинг сўзларига кўра, ўғирланган ҳисоблардан ижтимоий тармоқлардаги лайклар ва реклама постларини қайта эълон қилиш савдосида фойдаланилади. Шуниндек, бу аккаунтлардан янада хавфлироқ вирусларга йўналтирадиган «фишинг» ҳаволаларни тарқатиш билан шуғулланиш мумкин.
Ҳозирча мазкур вирусга энг чидамсиз роутерлар сифатида Actiontec, Hik Vision, Netgear, Synology, TP-Link, ZyXEL ва Zhone компаниялари маҳсулотлари кўрсатилмоқда. Мутахассисларнинг таъкидлашича, жамоат жойларидаги Wi-Fi’га уланиш нуқталари ва ҳатто баъзи тиббий жиҳозлар ҳам ушбу вирус ҳужумига учраши мумкин.
Изоҳ (0)