«Ролан Гаррос» кортларида орқасига ҳаракатланган самолёт сояси ижтимоий тармоқ фойдаланувчиларини ҳайратлантирди

1 июнь куни «Ролан Гаррос» теннис турнирининг Серена Уиллямс ва Слоан Стивенс ўртасидаги баҳсини томоша қилган ижтимоий тармоқ фойдаланувчилари кортда пайдо бўлган самолёт соясига эътибор қаратди, деб хабар қилади «Tjournal.ru».

Ҳаво кемаси физика қонунларига зид равишда орқасига ҳаракатланаётганди.

https://twitter.com/ZebG1996/status/605376676642623488

Ушбу «самолёт» айнан шу аренада 25 май куни Энди Мюррей иштирокидаги беллашувда ҳам кўринганди.

https://twitter.com/thaundadawg/status/602893262580543488

Маълум бўлишича, самолёт чиндан ҳам орқасига ҳаракатланган, фақат у ҳақиқий ҳаво кемаси эмас, бир неча йил олдин Emirates Airline авиаташувчисининг промо-компанияси доирасида стадионга жойлаштирилган кичик модель экан.

Самолётнинг кичик нусхаси телевизион камера билан сим арқонга мустаҳкамланган, шунинг учун у орқасига ҳам ҳаракат қилиши мумкин.